പ്രണയം
നിന്റെ വാര്‍ നെറ്റിയില്‍ നിന്ന്
എന്റെ കവിള്‍ തടത്തിലേക്കു
നീ പടര്‍ത്തിയ സിന്ദൂരം വാരിയെറിഞ്ഞു
എനിക്കീ മാനം ചുവപ്പിക്കണം
നിന്റെ കണ്മഷി യില്‍ നിന്ന്
എന്റെ ചുണ്ടിലേക്ക്‌ പടര്‍ന്ന ഇരുള്‍ കൊണ്ട്
എനിക്കീ സന്ധ്യയെ കറുപ്പിക്കണം
ഹൃദയം ഹൃദയതോടടുക്കുമ്പോള്‍
നിന്റെ കൈകള്‍ എന്നെ പൊതിയുമ്പോള്‍
ഭാഷയ്ക്കതീതമായി നിന്റെ വാക്കുകള്‍ മുറിയുമ്പോള്‍
എനിക്കീ ലോകം കേള്‍ക്കെ പൊട്ടിച്ചിരിക്കണം
ആ ചിരിയില്‍ എന്റെ പ്രണയസാഫല്യം നിറഞ്ഞിരിക്കും
No comments:
Post a Comment