Tuesday, November 3, 2015

നവ മാധ്യമങ്ങളിൽ ജീവിതം

പണ്ടൊക്കെ മോശം പ്രതിശ്ചായ ഉള്ള ഒരാൾക്ക്‌ ജനങ്ങൾക്കിടയിൽ നല്ല പ്രതിശ്ചായ ഉണ്ടാക്കാൻ വർഷങ്ങൾ എടുക്കുമായിരുന്നു ...എന്നാലും ഭൂരിഭാഗം പേരും അവരെ അന്ഗീകരിക്കണം എന്നും ഇല്ല .പക്ഷെ ഇന്ന് അതല്ല സ്ഥിതി .സോഷ്യൽ മീഡിയകൾ വഴി നമ്മൾ ആഗ്രഹിക്കുന്ന ഇമേജ് നമുക്കുണ്ടാക്കാം ...അതിൽ കൂടുതലൊന്നും കൂടുതൽ പേരും അന്വേഷിക്കാനും വരില്ല ..യഥാര്ത വ്യക്തിത്വം മറച്ചു വെയ്ക്കാനും കഴിയും .. .അതാണ്‌ കാലം ...സ്വന്തം പിഞ്ചു കുഞ്ഞിനെ യും ഭർത്താവിനെയും അമ്മായി അമ്മയെയും കൊല്ലാൻ കാമുകനെ ഏര്പ്പാട് ആക്കിയ തിരുവനന്തപുരം സ്വദേശിനി ആയ 'ടെക്കി'യുടെ പ്രൊഫൈൽ ചിത്രം ഭര്ത്താവിനും കുഞ്ഞിനും ഒപ്പം ഉള്ള കുടുംബ ചിത്രം ആയിരുന്നു ...ആ കൊലപാതകം പുറം ലോകം അറിഞ്ഞപ്പോൾ ആണ് ആ സ്ത്രീയുടെ തനി നിറം എല്ലാവരും അറിഞ്ഞത് ...ഇതൊരു ഉദാഹരണം മാത്രം ....കുത്തഴിഞ്ഞ ജീവിതം നയിക്കുന്ന ഒരു വ്യക്തിക്ക് സംസ്ക്കാരത്തെ കുറിച്ച് ലേഖനങ്ങള് എഴുതി എഴുതി മറ്റൊരു പ്രതിശ്ചായ ഉണ്ടാക്കാം ,(സോഷ്യൽ മീഡിയകളിൽ സ്ത്രീ സംരക്ഷണത്തെ കുറിച്ച് വാ തോരാതെ സംസാരിച്ചു സ്ത്രീകളുടെ തന്നെ ശ്രദ്ധ നേടുന്ന ,പൂര്വകാല സ്ത്രീ ലംബടനെ എനിക്കറിയാം...അയാളുടെ തനി നിറം അറിയുന്ന സ്ത്രീ കളെയും എനിക്കു നേരിട്ടറിയാം )..ഫേസ് ബൂകിലെ തീപാറുന്ന വിപ്ലവ പോസ്റ്റുകൾ ഇടുന്ന പലരും ഞാൻ മനസിലാകിയിടത്തോളം വളരെ ലോല ഹൃദയർ ആണ് ..അത് സ്ത്രീ ആയാലും പുരുഷൻ ആയാലും ...
ജീവിതത്തിൽ വഴിയിൽ വെച്ച് കൂട്ടി മുട്ടിയാൽ പോലും മിണ്ടാത്തവർ ഫേസ് ബുക്കിൽ സുഹ്ര്തുക്കൾ ആകും...അടുത്ത വീട്ടിൽ താമസിച്ചാലും പിറന്നാൾ ആശംസിക്കാത്തവർ ഫേസ് ബുക്കിൽ പിറന്നാൾ ആശംസിക്കുകയും കേക്കിന്റെ പടം അയച്ചു സ്നേഹം പ്രകടിപ്പിക്കുകയും ചെയ്യും ....
ഏകലവ്യൻ സിനിമയിൽ സുരേഷ് ഗോപി പറയുന്ന ഒരു ടയലോഗ്ഗ് ഉണ്ട് ...."സന്യാസ്സിക്കൊരു തെമ്മാടി ആകാം .പക്ഷെ തെമ്മാടിക്കു ഒരിക്കലും ഒരു സന്യാസി ആകാൻ കഴിയില്ല "
അതൊക്കെ പണ്ട് ,"നവ മാധ്യമങ്ങളിൽ ജീവിതം സുതാര്യം ആണ് എന്ന് ഒരു തോന്നല് ഉണ്ടാക്കി നിഗൂടതകൾ മറച്ചു വെച്ചാൽ സന്യാസിക്കും തെമ്മാടി ആകാം ,തെമ്മാടിക്കും സന്യാസി ആകാം ..."

No comments: